Jón á Steig í Finnlandi

Navn: Jón á Steig

Føðingardagur: 06.11.1994

Land/Býur/Ár: Finnland, Helsinki, 2010-2011

Hví valdi tú AFS?
Eg valdi at fara á AFS, tí eg vildi sleppa at royna at búgva í einum øðrum landi og uppliva mentanina ordiliga. Eg helt at besti mátin at fara var at búgva hjá einari familju og ganga í skúla, so eg kundi læra málið, fáa vinir og eitt persónligt samband við staðnum fyri lívið.

Mál: Finskt

Skúli: Tikkurilan Lukio (Tikkurila Studentaskúli)

Vertsfamilja: Mamma, pápi, systur og beiggi

Fríðtíðarítriv: Hevði eingin serlig frítíðarítriv

Besta uppliving:
Vit fóru við AFS á eina ferð til Lapplands, Norðurfinnland, í eina viku. Í flestu londum bjóðar AFS slíkir túrar, har allir AFS næmingar í landinum/økinum verða bjóðaði við og tað er heilt sikkurt nakað eg viðmæli. Har hittir mann fleiri fólkum úr øðrum londum og mentanum, og mann fær heilt vist betri innlit í ta verðina vit búgva í.

Stórsta avbjóðing:
At skula búgva hjá einari aðrari familju. Tað at skula flyta úr sínum egna heimi, har mann hevur sínar fastar rutinur og har mann kennir seg heima, er ógvuliga ringt. Tað er tíbetur skjótt at læra at mann er komin í húsið sum ein nýggjur familjulimur, heldur enn ein gestur á einum hotelli.

Ráð til komandi skiftisnæmingar:
Sum tey siga á donskum, ”tag ja-hatten på!”. Tað er kanska tað ráðið flestu AFS næmingar vildu givið, tí um mann tekur allar avbjóðingar inn við opnum ørmum, so verður uppihaldið túsund ferðir lættari og stuttligari. Tað er eisini umráðandi at minnast, at hetta er títt uppihald, og at árið er títt ár, sum tú skalt liva fyri teg sjálvan ikki nakran annan.